दोहा– कतारमा २० लाखभन्दा बढीले व्यक्तिहरुले कोरोनाविरुद्धको पहिलो डोज खोप लगाएका छन् । राष्ट्रिय खोप कार्यक्रम शुरुभएदेखि अहिलेसम्म २० लाख १३ हजार ८० जनाले कम्तिमा पहिलो डोज खोप प्राप्त गरिसकेको कतारको स्वास्थ्य मन्त्रालयले जनाएको छ ।

मन्त्रालयका अनुसार अहिलेसम्म ३७ लाख ८ हजार ५५१ डोज खोप वितरण भैसकेको जनाएको छ । पछिल्लो २४ घण्टाको अवधिमा २२ हजार ९६० डोज खोप वितरण गरिएको जनाएको छ ।

अहिलेसम्म योग्ग जनसंख्याको ८१ प्रतिसतले खोपको पहिलो डोज प्राप्त गरिसकेको मन्त्रालयले जनाएको छ । बढी उमेर समूहलाई प्रथामिकतामा राखेर सुरुवात गरिएको खोप अभियानमा ६० बर्ष भन्दा माथिका ९३.५ प्रतिसतले व्यक्तिले पूरा खोपको मात्र लगाईसकेको मन्त्रालयले जनाएको छ ।

कतारमा पछिल्लो २४ घण्टामा १४६ जनामा मात्र नयाँ संक्रमण भेटिएको छ । योसंगै कतारमा कोरोना सङ्क्रमितको संख्या २ लाख २५ हजार ५२२ पुगेको मन्त्रालयले जनाएको छ ।

यसअवधिमा ९६ जना उपचारपछि निको भएर घर फर्किएका छन् । योसँगै कोरोनाबाट निको हुनेको सङ्ख्या २ लाख २३ हजार २१० पुगेको छ भने संक्रमणबाट अहिलेसम्म ६०० जनाको मृत्यु भएको छ ।

यो समाचार तयार पार्दासम्म कतारमा १ हजार ७ सय १२ वटा ‘एक्टिभ’ केस छन् भने ६८ जना यहाँको विभिन्न अस्पतालमा उपचार गराईरहेका छन् । तीमध्ये २५ जनाको आईसीयूमा उपचार भैरहेको छ ।

कतारले सुरुवाती दिनदेखि नै संक्रमितको राष्ट्रियतबारे खुलाएको छैन। अहिलेसम्म कोरोनाबाट कतारमा २४ नेपाली श्रमिकले ज्यान गुमाईसकेको दोहास्थित नेपाली दूतावासले जनाएको छ ।

खोप नलिएका सबै योग्य व्यक्तिहरूलाई खोप लिन समेत मन्त्रालयले आग्रह गरेको छ । कतारले आफ्ना नागरिकसहित अन्य आप्रवासी श्रमिकहरुलाई पनि निशुल्क रुपमा खोप दिइरहेको छ । तस्वीर : एफपी