काठमाडौँ– कांग्रेस सभापति शेरबहादुर देउवाले राष्ट्रपतिले संविधान कार्यान्वयनमा गलत बाटो लिएको आरोप लगाएका छन् ।
सोमबार विभिन्न पेशागत संस्थाका व्यक्तिहरुसँगको छलफलमा देउवाले भने, ‘राष्ट्रपति स्वयंले धेरै ठूलो गल्ती गरेकी हुन् । अदालतमा भरोसा गरेका छौँ । अदालत स्वतन्त्र छ ।’
अदालत स्वतन्त्र रहेको र कसैको दबाबमा नपरी निर्णय गर्ने सभापतिको देउवाको भनाइ छ । उनले भने, ‘अदालत कुनै पनि तागतको दबाबमा लाग्ने छैन । खारिएर आएका मानिसहरु हुनुहुन्छ । विश्वास गरौँ, अदालत नेपालको राष्ट्रको अदालत हो ।’
गठबन्धनको पहिलो प्राथमिकता कोभिड – १९ नियन्त्रण र रोकथाम रहेको पनि सभापति देउवाले बताए ।
प्रतिक्रिया