भारतद्वारा नेपाली सेनालाई १ लाख डोज कोरोनाको खोप सहयोग

१५ चैत्र २०७७, आइतबार

पढ्न लाग्ने समय : < 1 मिनेट

काठमाडौँ– भारतले नेपाली सेनालाई १ लाख डोज कोरोनाविरुद्धको खोप सहयोग गरेको छ ।

भारतीय सेनाको तर्फबाट नेपाली सेनालाई उपहारस्वरुप सो परिमाणको भ्याक्सिन आइतबार उपलब्ध गराइएको भारतीय दूतावासले जनाएको छ ।

दूतावासका अनुसार आजै सो परिमाणको भ्याक्सिन नेपाली सेनालाई हस्तान्तरण गरिएको छ । सेरम इन्स्टिच्युटले उत्पादन गरेको कोभिसिल्ड खोप सहयोग गरिएको हो ।

नेपाली सेनाका प्रवक्ता सन्तोष बल्लभ पौडेलले उक्त खोप सेनाका लागि प्रयोग गरिने बताए ।

भारतले यसअघि १० लाख डोप खोप नेपाललाई अनुदान दिएको थियो ।

प्रकाशित मिति : १५ चैत्र २०७७, आइतबार ९ : ३७ बजे

प्रतिक्रिया