काठमाडौं– नेपालमा पछिल्लो समयमा वेब सिरिज निर्माणको क्रम बढ्दो छ । यही मेसोमा अभिनेता रवी कार्कीले वेब सिरिज ‘मेरो अदालत’ निर्माण गर्ने भएका छन् ।

सिरिजको निर्देशन रामेशकुमार राईले गर्नेछन् । सिरिजका कथाकार तथा निर्माता कार्कीका अनुसार सिरिजमा देशमा घटिरहेका विविध घटनाका पीडितले न्याय नपाइरहेको पछिल्लो अवस्थामा केही सत्य घटना र केही काल्पनिक घटना देखाइनेछ ।

निर्माण पक्षले सिरिजको थिम पोस्टर सार्वजनिक गरेको छ । पोष्टरमा एक युवाले हातमा लालटिन बोकेर न्याय खोजेको देखिन्छ भने न्यायमुर्तिको अनुहारमा रातो पोतिएको देखाइएको छ । सिरिजमा सूर्य सिजी र पर्वत राईको समेत लगानी रहनेछ ।

रिएण्डकी फिल्मसको व्यानरमा निर्माण हुने यस सिरिजकी सह–निर्माता मालती कार्की हुन् । सिरिज कुनै एक राष्ट्रिय टेलिभिजनबाट प्रसारण गरिने निर्माण पक्षले जनाएको छ । केही दिनपछि सुटिङ हुनेछ ।