काठमाडौँ- हर्रो र बर्रो एक अर्काको सट्टामा प्रयोग हुने गर्छ तर हर्रोमा पाइने Chebulic acid  बर्रोमा हुँदैन ।

Tannin निकाल्न बर्रो उपयोगी हुन्छ । Tannin खाद्यपदार्थ कुहाउन, छाला नरम पार्न, वस्तुलाई धेरै समय टिकाउन, रंग जमाउन र चमक ल्याउने काममा उपयोग गरिन्छ ।

बर्रोको बिरुवामा बढी Tannin क्रमश फल, जरा, बोक्रा, काठको चुर्रो र पलासमा पाइन्छ । औषधीका लागि हरियै तर परिपक्क फलहरू सुकाई, उपयोग गरिन्छ । फलको गुदी दाँत बलियो बनाउन, गिजाबाट रगत आउने, बबासिर, दिशा पखाला, कोढ, मन्दज्वर आदिमा उपयोग हुने गर्छ ।

फलको धुलोबाट बनेको चुर्ण ग्याष्टिक, कब्जीयत, खोकी र दमको रोग कम गर्दछ । आँखामा संक्रामक रोग लागेमा १ रात फल भिजाएको पानीले धोएमा फायदा पुग्छ ।

बीउबाट ३८% तेल निस्कन्छ । जो साबुन बनाउन, कपालमा लगाउन, यदा कदा खानेतेलको रूपमा र बाथको रोगमा मालिस गर्न यसको प्रयोग हुने गर्छ ।

बीउमा भएको प्रोटिनलाई गम बनाउने र बिजपत्र निकालिएका खालि फललाई मसि बनाउन प्रयोग गरिन्छ । मुख्य रूपमा बर्रो छाला, कपडा, रंग, आयुर्वेदिक औषधि उद्योगहरूमा खपत हुन्छ । यो भारत बाहेक न्युजिल्याण्ड, हँगेरी, बेल्जियम, जापान, बेलायतमा निकासी हुने गरेको छ ।

साभार- ‘सजिलो कुकिङ’ पुस्तकबाट