बर्लिन– जर्मनीको सामाजिक प्रजातान्त्रिक पार्टीका नेता ओलाफ स्कोल्जले जर्मनीको सीडीयू–सीएसयू गठबन्धन अब विपक्षी बेन्चमा पुग्ने बताएका छन् । सो गठबन्धनकी नेतृ एंगेला मर्केलले राजनीतिबाट विश्राम लिएकी छन् ।

उनी १६ वर्षसम्म जर्मनीको चान्सलर रहेकी थिइन् ।

रूढ़िवादीहरूको विरुद्ध चुनाबी मोर्चामा पार्टीलाई विजय नजिक पुर्‍याएका नेता स्कोल्जले सीडीयू र सीएसयूले जनमतमात्र नगुमाएको उल्लेख गर्दै सरकारबाट बाहिरनलाई जनताबाट स्पष्ट जनादेश पनि पाएको बताएका छन् ।

वर्तमान सरकारका अर्थमन्त्री समेत रहेका नेता स्कोल्जले अब सरकारमा बस्न नमिल्ने भन्दै तुरुन्त प्रतिपक्षमा जानुपर्ने बताएका छन् ।
आइतबार भएको निर्वाचनमा मर्केलको गठबन्धनले २४ प्रतिशत मत प्राप्त गरेको थियो भने रुढीबादी गठबन्धनले २५ प्रतिशत मत प्राप्त गर्दै जित हात पारेको थियो । एजेन्सी