मकवानपुर- मकवानपुरको राक्सिराङबाट ७९ किलो गाँजासहित प्रहरीले २ जनालाई पक्राउ गरेको छ ।
पक्राउ पर्नेमा राक्सिराङ गाउँपालिका वडा नम्बर–९ बस्ने वर्ष २० का प्रताप स्याङतान र कैलाश गाउँपालिका वडा नम्बर–२ बस्ने वर्ष ४३ लालबहादुर स्याङतान रहेका छन् ।
जिल्ला प्रहरी कार्यालय मकवानपुरका प्रहरी निरीक्षक देवेन्द्र दासका अनुसार उनीहरुलाई राक्सिराङ गाउँपालिका वडा नम्बर–५ परेवाभिर सडक खण्डबाट पक्राउ गरिएको हो ।
सोमबार दिउँसो १ बजेको समयमा परेवाभिरको सडक खण्ड हुँदै मकवानपुरको कैलाश गाउँपालिकाबाट मनहरीतर्फ ल्याउँदै गरेको गाँजासहित २ जनालाई प्रहरी चौकी चैनपुर मकवानपुरबाट खटिएको गस्ती टोलीले पक्राउ गरेको हो ।
प्रतिक्रिया