काठमाडौं– गायक सुगम पोखरेलको नयाँ गीत ‘कसरी भनूँ तिमीलाई’ सार्वजनिक भएको छ । गीतमा रिकेश गुरुङको शब्द, संगीत, एरेञ्ज र मिक्सिङ छ ।
सुरज शाह निर्देशित भिडियोमा गायक सुगम, सदिक्षा, अनुराज र निर्देशक सुरज फिचर्ड छन् । भिडियोमा सुरजकै सम्पादन छ ।
निर्देशक शाहले यसअघि सुगमकै ‘मायाको बाटो’, ‘भनेकै हुँ मैले’, ‘सयौं जन्म’ जस्ता चर्चित गीतको भिडियो निर्देशन गरिसकेका छन् ।
सुरजले यसअघि निर्देशन गरेका यसअघि उदेश श्रेष्ठको ‘किन मायामा’, रीजा उप्रेतीको ‘अँगालोमा बाँध न’, सिजन्स ब्यान्डको ‘सुनेको कुरा’ का भिडियो चर्चित छन् ।
करिब आठ वर्षदेखि अमेरिका बस्दै आएका सुरजले बिस्तारै पुनः म्युजिक भिडियो निर्देशनमा सक्रियता बढाउने बताए ।
प्रतिक्रिया