काठमाडौं– स्रष्टा माधव केसीको गीति संग्रह ‘पातै फरर’ र त्यसको भिडियो सार्वजनिक भएको छ । राजधानीमा हालै आयोजित कार्यक्रमा लेखक तथा गीतकार अमर वान्तु, गायक तथा संगीतकार कन्हैया सिंह, कलाकार उत्तम केसी, संगीतकार सन्तोष श्रेष्ठ, निर्देशक सुमन दाहाल, व्यवसायी रामजी अवाल, युथ क्रियशनका अध्यक्ष रमेश थापा संग्रह सार्वजनिक गरे ।

गीतकार केसीको गीति संग्रहमा उनले विसं. २०४० देखि अहिलेसम्म संकलन गरेका लोक तथा आधुनिक गरी ८० गीत समावेश छन् ।

गीतकार केसीले विसं २०४० मा आफूले रचना गरेका दुई गीत लोकगायक हरिबहादुर राउतले स्वरांकन गरी रेडियो नेपालमा रेकर्ड गराएको बताए ।

‘पातै फरर’ गीतमा अशोक बराल र सोनिका केसीको स्वर रहेको छ । सन्तोष श्रेष्ठको संगीत र देवेन्द्र नेवाःको संगीत संयोजन रहेको गीतको भिडियोमा हेम प्रभासको निर्देशन छ ।

समिर थोकरको छायांकन रहेको भिडियोमा टेकेन्द्र शाहको सम्पादन तथा अञ्जु सुनार, हेमा श्रेष्ठ, समिर थोकर र उज्जवल धामीको अभिनय रहेको छ ।