काठमाडौँ– नेपाल बार एसोसिएसनले प्रधानन्यायाधीश चोलेन्द्र शमशेर राणाले तत्काल राजीनामा दिएर न्यायालयको गतिरोध अन्त्य गर्नुपर्ने बताएको छ । एसोसिएसनको बैठकपछि मंगलबार बारले विज्ञप्ति जारी गर्दै अहिले न्यायालयमा देखिएको गतिरोध अन्त्यका लागि राजीनामा दिन प्रधानन्यायाधीश राणालाई आह्वान गरिएको छ ।

बारले प्रधानन्यायाधीश राणाबाट अब न्यायापालिकाको स्वतन्त्रता र विश्वनियता कायम हुन नसक्नेसमेत निष्कर्ष निकालेको छ । बारले राजीनामा नआएर देश व्यापी आन्दोलन गर्नेसमेत बताएको छ । देशभर रहेका बार शाखाबाट आन्दोलन गरिने उसले जनाएको छ ।

न्यायालय भित्रको अनियमतिता सुधारका लागि बारले पटक पटक सुझाव दिएको तर प्रधानन्यायाधीश राणाबाट लागू नभएको बारले जनाएको छ ।