मुम्बई(दैनिक जागरण)– करिब २० वर्षपछि अफगानिस्तानलाई तालिबानले पुनः आफ्नो नियन्त्रणमा लिएको छ । तालिबानले नियन्त्रणमा लिएपछि अफगानिस्तानमा रहेका मानिसहरु डराइरहेका छन् । उनीहरु जति सक्दो चाँडो अफगानिस्तान छोड्न चाहन्छन् ।

यतिबेला अफगानिस्तानका एक प्रख्यात गायक हबीबुल्लाह शबाबको फोटो सामाजिक सञ्जालमा भाइरल भइरहेको छ । तस्वीरमा उनी तरकारी बेच्दै गरेको देख्न सकिन्छ । तस्वीरमा तालिबानले कब्जा गरेपछि हबीबुल्लाहले गायन पेशालाई छोडेर तरकारी बेच्न थालेको उल्लेख गरिएको छ ।

असवाका न्यूज एजेन्सी नामको ट्वीटर हेण्डलमा गायकको तस्वीर शेयर गरिएको छ । जसमा उनी कालो रंगको कपडामा देखिएका छन् । उनको अगाडि धेरै तरकारी देखिन्छ । तस्वीरमा उनको छेउमा एक बच्चा पनि देखिन्छ ।

हबीबुल्लाह अफगानिस्तानको हेलमान्द प्रान्तमा बस्छन् । असवाकासँगको कुराकानीमा उनले अबको बाँकी समय गायन पेशालाई छोडेर सानो तरकारी पसल चलाउने उल्लेख गरेका छन् ।

तालिबानको कब्जापछि केही नाम चलेका कलाकारले अफगानिस्तान छोडिसकेका छन् । कतिपयले आफ्नो आफन्त गुमाएका छन् ।