काठमाडौं– हाम्रो प्रतिभा चौतारीको आयोजनामा ‘हाम्रो प्रतिभा आइडल २०२१’ भर्चुअल विधिबाट सम्पन्न भएको छ । करिब दुई महिना अघिबाट अनलाइन गायन प्रतियोगिताको रुपमा सुरु भएको यस प्रतियोगितामा ७९ जनाले भाग लिएका थिए ।

विभिन्न चरणहरु पार गर्दै ५ जना फाईनल पुगेका थिए । प्रतियोगितामा प्रमुख निर्णायक गायक तथा संगितकार राज सागर थिए । जनवादी गायक प्रदीप देवान, गायिका माण्डवी त्रिपाठी, गायक तथा अभिनेता जयनन्द लामा, गायक लाक्पा शेर्पा, गायिका सुरक्षा सेन्चुरी, गायिका सिर्जु अधिकारीको उपस्थिति फिनालेमा थियो ।

प्रतियोगितामा इलामकी सम्झना राई विजेता बनिन् । त्यस्तै झापाकी तृष विष्ट, इलामका विजय भण्डारी, झापाका अर्पण उप्रेती, स्याङजाका विशाल रानाभाट क्रमशः दोस्रो, तेस्रो, चौथो र पाँचौं भए ।

ग्रान्ड फिनालेमा गायक याम बराल, गायक कमल खत्रीको पनि उपस्थिति थियो । प्रतियोगिहरुलाई पुरस्कार स्वरुप नगद सहित प्रमाण पत्र प्रदान गरिएको छ । कार्यक्रमको उद्घोषण आशिष शाह ठकुरी र वर्षा भट्टले गरेका थिए । कार्यक्रमको व्यवस्थापक प्रविण श्रेष्ठ हुन् ।