काठमाडौँ- भारतमा आस्ट्राजेनेका खोप निर्माणमा आवश्यक पर्ने कच्चा पदार्थमा लगाइएको निर्यात प्रतिबन्ध अमेरिकाले हटाएको छ।
भारतका खोप उत्पादकहरूलाई आवश्यक पर्ने कच्चा पदार्थ तत्काल उपलब्ध गराउने पनि अमेरिकी राष्ट्रपति जो बाइडेनले प्रतिबद्धता जनाएका छन् ।
‘जसरी भारतले हामीलाई महामारीको सुरुवाती चरणमा अस्पतालहरूको सहयोगका निम्ति मद्दत गर्यो, अहिले हामी भारतलाई मद्दत गर्न प्रतिबद्ध छौँ,’ राष्ट्रपति जो बाइडनले ट्वीटरमार्फत भनेका छन् ।
भारतीय अधिकारीहरू तथा सिरम इन्स्टिच्युट अफ इन्डियाले अमेरिकालाई उसले कच्चा पदार्थमा लगाएको निर्यात नियन्त्रण हटाइदिन भनेपछि अमेरिकाले यस्तो निर्णय गरेको बीबीसीले जनाएको छ ।
प्रतिक्रिया