काठमाडौँ- अमेरिकाका तत्कालिन राष्ट्रपति अब्राहम लिङ्कनलाई बाल्यकालमा महापुरुषहरुको जीवन चरित्र पढ्ने शौख थियो । तर, आर्थिक स्थिति राम्रो नभएका कारण पुस्तक किन्न सक्दैनथे ।

एक दिन उनले कसैसँग मागेर एउटा पुस्तक ल्याए । राति अबेरसम्म पढिरहे । निद्रा लाग्न थालेपछि पुस्तक झ्यालको नजिकै राखेर सुते । बिहान उठेर हेर्दा राति परेको पानीको बाछिटाले किताब बिग्रिएको थियो । उनी अत्यन्त चिन्तित भएर किताबवालाको घर गए । किताबवालाले बिग्रिएको किताब लिन अस्वीकार गर्‍यो । नयाँ पुस्तक ल्याएर दिने उनीसँग पैसा थिएन ।

किताबवालाले भन्यो— ‘अँ, पुस्तकको मूल्यको भर्पाइस्वरुप तिमी मेरो खेतमा तीन दिनसम्म धान काट्ने काम गर ।’

लिङ्कन राजी भए । तीन दिनसम्म उसको खेतमा काम गरिरहे ।

साभार : ‘महान् व्यक्तिका प्रेरक प्रसङ्गहरु’ किताबबाट