दोहा– कोरोना भाइरस (कोभिड -१९)लाई जितेर कुवेतबाट एक नेपाली चेली स्वदेश फर्किएकी छिन् ।

लामो समयसम्म कुवेतमा बिरामी भएर नेपाल फर्किन चाहेकी झापाकी पूजा तामाङलाई गैरआवसीय नेपाली संघ(एनआरएनए) कुवेतले स्वदेश फर्काएको हो ।

केही समय अघि नै फर्काउन चाहेको भए पनि तामाङलाई कोरोना भाइरस संक्रमण देखिएको उनी नेपाल फर्किन पाएकी थिइनन् । उपचारपछि कोरोनालाई जितेर उनी संघको सहयोगमा स्वदेश फर्किएकी एनआरएनए कुवेतका महासचिव दिलकुमार पाख्रिनले जानकारी दिए ।

साथै कोरोना महामारीका करण कुवेतमा कार्यरत नेपाली दाजुभाइ तथा दिदिबहिनीहरुलाई कुनै पनि समस्या भएको भए एनआरएनए कुवेतमा सम्पर्क गर्न अनुरोध गरिएको छ ।

अहिलेसम्म संघले महामारीका कारण कुवेतमा अलपत्र श्रमिकहरु, रोजगारी गुमाएर, विभिन्न रोग लगेर विरामीसहित ४१ नेपालीको उद्धार गरि स्वदेश पठाइसकेको जनाएको छ ।

जसमध्ये १७ महिला र २४ जना पुरुष रहेका छन् ।