दोहा – नेपाल र कतारको मिडिया क्षेत्रमा द्विपक्षीय सहयोग बारे छलफल भएको छ ।

कतारका लागि नेपाली राजदूत डा‍. नारदनाथ भारद्धाज र कतार मिडिया को–अपरेशनका प्रमुख निर्देशक अब्दुल्लाह बिन हमाद अल–थानीबीच भएको भेटमा नेपाल र कतारको मिडिया क्षेत्रमा द्विपक्षीय सहयोगबारे छलफल हो ।

कतार मिडिया अफिसमा बिहीबार भएको भेटमा कतारमा कार्यरत नेपालीलाई कस्ता कार्यक्रम ल्याएर कसरी सूसुचित गर्न सकिन्छ भन्ने बारे छलफल भएको थियो।

भेटमा उनीहरुबीच नेपाल र कतारको मिडिया क्षेत्रमा द्विपक्षीय सहयोगका विभिन्न पक्ष र सम्भावनाहरूबारे छलफल भएको नेपाली दूतावास दोहाले जनाएको छ ।

उनीहरूले निकट भविष्यमा जानकारीमूलक रेडियो कार्यक्रम निर्माण गर्न नेपाल दूतावास र कतार मिडिया कर्पोरेशनबीच सहयोगको सम्भावनाबारे समेत छलफल भएको दूतावासले जनाएको छ ।

यहाँको कानुन तथा भाषामा नबुझ्दा नेपालीलाई समस्या हुने गरेकाले नेपाली भाषामै कार्यक्रम सञ्चालन गर्ने सम्बन्धमा पनि छलफल भएको बताइएको छ ।

नेपालीहरुका लागि रोजगारीको प्रमुख गन्तब्य रहेको कतारमा विभिन्न क्षेत्रमा ३ लाख १२ हजार ६५० नेपाली कार्यरत रहेका छन् । ती मध्ये ११ हजार ९० जना महिला कामदारहरु कार्यरत छन् ।