काठमाडौँ– कोरोना भाइरस महाव्याधीबाट आक्रान्त नेपाललाई क्यानडाले १० लाख क्यानेडियन डलर ( नेपाली रुपैयाँ ९ करोड ६५ लाख) बराबरको स्वास्थ्य सहायता र सामग्री प्रदान गर्ने भएको छ ।
क्यानडेली विदेश मन्त्रालयले सोमबार विज्ञप्ती जारी गर्दै कोरोना भाइरसको दोस्रो लहरसँग जुध्न नेपाललाई उक्त रकम बराबरको मानवीय सहायता प्रदान गर्ने जनाएको हो ।
क्यानडाले प्रदान गर्ने सहायतामा आवश्यक स्वास्थ्य सेवा, एम्बुलेन्स सेवा र रक्तदान सम्बन्धी उपकरण समावेश छन् । साथै समुदायमा हाइजिन स्टेसन र स्वास्थ्य सुविधा पनि राखिएको छ ।
प्रतिक्रिया