काठमाडौँ– साताको दोस्रो दिन सोमबार पनि शेयर बजारमा नयाँ रेकर्ड कायम भएको छ ।

शेयर बजार नेप्से ३.०७ अंकले बढेर २ हजार ८ सय २५.०३ अंकको विन्दुमा कायम भएको छ ।

दिनभरिमा २ सय १६ कम्पनीको २ करोड ७१ लाख ४० हजार २ सय २ कित्ता शेयर किनबेच हुँदा १३ अर्ब १७ करोड ५३ लाख ५३ हजार रुपैयाँको शेयर कारोबार भएको छ ।

जसमा सबैभन्दा धेरै हाइड्रोइलेक्ट्रिसिटिको सर्वाधिक कारोबार भएको छ । कम्पनीको १ अर्ब २६ करोड रुपैयाँको शेयर कारोबार भएको छ ।

आज बैंकिङ, हाइड्रोपावर कम्पनी, निर्जीवन बीमा समूह, म्युचअल फण्ड र इन्भेष्टमेन्ट उपसूचक बढेका छन् ।

त्यसैगरी आज सबैभन्दा धेरै बरुण हाइड्रो पावर कम्पनीका लगानीकर्ताले कमाएका छन् । कम्पनीका लगानीकर्ताले ९.९५ प्रतिशतका दरले कमाएका छन् । त्यस्तै नेको इन्स्योरेन्स, नेपाल पुनर्बीमा, आईएमई जनरल इन्स्योरेन्स कम्पनीको कारोबार बढी भएको छ ।

यस्तै, सबैभन्दा धेरै एक्सेल डेभलपमेन्ट बैंकका लगानीकर्ताले सबैभन्दा बढी गुमाएका छन् ।