काठमाडौँ- अमेरिकाले कोरोना भाइरसविरुद्धको जोन्सन एण्ड जोन्सनको खोपमा लगाएको प्रतिबन्ध फुकुवा गरेको छ ।
प्रतिबन्ध लगाएको ११ दिनपछि फुड एण्ड ड्रग एड्मिनिस्ट्रेशन (एफडिए) ले जोन्सन एण्ड जोन्सन खोपमाथिको प्रतिबन्ध फुकुवा गरेको हो ।
तर खोपमा अति दुर्लभ प्रतिक्रियाका रुपमा ब्लड क्लट्स बन्न सक्ने चेतावनी भने अझै दिइएको छ ।
सेन्टर फर डिजिज कन्ट्रोल एण्ड प्रिभेन्सन (सिडिसी) को प्यानलले अमेरिकामा जोन्सन एण्ड जोन्सनको खोप लगाउन थालिने निर्णय गरेको हो ।
जोन्सन एण्ड जोन्सनको खोप लगाएका झण्डै ८० लाख मध्येबाट १५ जनामा गम्भीर प्रकारको ब्लड क्लट्सको समस्या देखिएपछि त्यसको प्रयोगमा रोक लगाइएको थियो ।
प्रतिक्रिया