काठमाडौँ- मुलुकमा स्थानीय र पश्चिमी वायुको प्रभावले आज सुदूरपश्चिम र कर्णाली प्रदेशमा वर्षा भएको छ ।

प्रिमनसुनको समयसमेत भएकाले आज सुदूरपश्चिम र कर्णालीका केही ठाउँमा वर्षा भएको जल तथा मौसम पूर्वानुमान महाशाखाले जनाएको छ ।

महाशाखाका अनुसार आज गण्डकी प्रदेशका पहाडी भेगमा पनि मेघगर्जन, चट्याङ र हावाहुरीसहित वर्षाको सम्भावना छ ।

यस्तो छ आगामी तीन दिनको पूर्वानुमान

बैशाख ११ गते (शनिबार)

बिहान:  देशको सुदूरपश्चिम, कर्णाली र गण्डकी प्रदेशका साथै बाँकी पहाडी भू-भागहरुमा आंशिकदेखि सामान्य बदली रही बाँकी भू-भागमा आंशिक बदली रहनेछ । सुदूरपश्चिम, कर्णाली र गण्डकी प्रदेशका पहाडी भू-भागको थोरै स्थानहरुमा र बाँकी प्रदेशका एक/दुई स्थानमा  मेघगर्जन/चट्टयाङ्ग/हावाहुरी सहित हल्का वर्षाको सम्भावना रहेको छ ।

राति :  देशका पहाडी भू-भागमा आँशिकदेखि सामान्य बदली रही अन्य भू-भागमा मौसम सामान्यतय सफा रहनेछ । पहाडी भू-भागको थोरै स्थानहरुमा मेघगर्जन/चट्टयाङ्ग/हावाहुरीसहित हल्का वर्षाको सम्भावना रहेको छ ।

बैशाख १२ गते (आइतबार)

बिहान:  देशका अधिकांश भू-भागमा आँशिक बदली रहनेछ।

राति :  देशका पहाडी भू-भागमा आँशिक बदली रही अन्य भू-भागमा मौसम सामान्यतय सफा रहनेछ ।

बैशाख १३ गते (सोमबार)

बिहान:  देशका पहाडी भू-भागमा आँशिक बदली रही अन्य भू-भागमा मौसम सामान्यतय सफा रहनेछ।

राति :   प्रदेश न.१ र प्रदेश न.२ मा आंशिक बदली रही अन्य भू-भागमा मौसम सामान्यतय सफा रहनेछ।