काठमाडौँ– नेपाली कांग्रेसको १४ औँ महाधिवेशन अन्तर्गत केन्द्रीय कार्यसमितिको चयनका लागि भएको चुनावको मत गणना सकिएको छ । गत पुस २८ गते भएको मतदानको विहीबार मत गणना सकिँदा सबैभन्दा अन्तिममा जनजाति महिलातर्फको परिणाम आयो ।

विहीबार खसआर्य खुला र महिला तथा आदिवासी जनजाति खुलाको मतपरिणाम आएको छ । निर्वाचन समितिका अनुसार खसआर्य खुलामा केशवकुमार बुढाथोकी, गोविन्दकुमार शाह, भीम पराजुली, मधु आचार्य, श्यामकुमार घिमिरे, नारायणबहादुर कार्की र गेहेन्द्र गिरी निर्वाचित भएका छन् ।

यस्तै खसआर्य महिलातर्फ मञ्जु खाण, प्रतिमा गौतम, चम्पादेवी खड्का, नानु बास्तोला, कान्तिका सेजुवाल र विद्यादेवी तिमिल्सिना विजयी भएका छन् ।

यस्तै आदिवासी जनजाती खुलातर्फ उमेश श्रेष्ठ (चितवन), बहादुरसिंह लामा (नुवाकोट), दिलमान पाख्रिन (धादिङ), टेकबहादुर गुरुङ (मनाङ), आङगेलु शेर्पा (सोलुखुम्बु), तारामान गुरुङ (संखुवासभा) र टेकप्रसाद गुरुङ (चितवन) केन्द्रीय सदस्यमा विजयी भएका छन् ।

यस्तै आदिवासी जनजाति महिलातर्फ सिता गुरुङ, अन्जनी श्रेष्ठ, सरस्वती वजीमय, गंगा लक्ष्मी, माया राई, सीता राना, सुशीला थिङ र उषा गुरुङ निर्वाचित भएका छन् ।