काठमाडौं– नेपाली कलाकार तथा मार्शल आर्टका खेलाडी सन्नी बि केसीको अभिनय रहेको हलिउड फिल्म ‘फाइट एण्ड फुरी २’ को गीत ‘एनीहिलेसन’ सार्वजनिक भएको छ । सन्नीकै कथा र निर्देशन रहेको फिल्मको गीतमा रमेश श्रेष्ठको स्वर र संगीत तथा विनोद हरिदया शाक्यको शब्द छ ।
फिल्ममा अभिनेता ब्रुसलीको फिल्म ‘इन्टर द ड्रागन’मा काम गरेका कलाकार बब वालसँगै लियो फोङ, जोस्फ माइकल, एम एम ए फाइटरलगायतको अभिनय छ । अंग्रेजी भाषाको फिल्म नेपालीमा डब गरेर प्रदर्शन गरिने निर्देशक तथा कलाकार सन्नीले बताए ।
सरिन बिको छायांकन रहेको फिल्ममा वनिष शाहको सम्पादन छ । एक्सन जनराको फिल्मले मानव बेचविखनको कथालाई देखाएको छ ।
प्रतिक्रिया