मुम्बई(अमर उजाला)– बलिउड अभिनेत्री मनीषा कोइरालाले अभिनेत्री कंगना रनावत, आलिया भट्ट र अभिनेता रणवीर कपूरको तारिफ गरेकी छन् । उनले एक अन्तरवार्तामा यी कलाकारको तारिफ गरेकी हुन् ।

मनीषाले आलियाको काम गर्ने शैली निकै अगाडि रहेको बताएकी छन् । उनले कंगनालाई प्रतिभाशाली भनेकी छन् । कंगनाले सन् २००६ मा अभिनय करियर सुरु गरेकी थिइन् । उनले हालसम्म ३० भन्दा बढी फिल्ममा काम गरिसकेकी छन् । कंगनाले चारपटक राष्ट्रिय फिल्म पुरस्कार नै जितेकी छन् ।

जबकी आलियाले सन् २०१२ बाट अभिनय सुरु गरिन् । उनले अभिनय गरेको ‘हाइवे, ‘उड्ता पञ्जाब’, ‘राजी’ र ‘गली ब्वाइ’ प्रशंसनीय फिल्ममा पर्दछन् ।

मनीषाले एक अन्तरवार्तामा आफूलाई मनपर्ने अभिनेत्रीको बारेमा कुराकानी गरेकी थिइन् । उनले अभिनयमा आउने युवापिढी महान रहेको र विश्वको मानकका रुपमा चित्रित रहेको बताएकी थिइन् । उनले कार्तिक आर्यनलाई राम्रो अभिनेता र रणवीर कपूरलाई महान भनेकी छन् ।

‘मैले आलिया भट्टको काम हेरेको छु र मलाई लाग्छ कि उनी मैले गरेको कामभन्दा धेरै अगाडि छिन् । कंगना पनि शानदार छिन् । मैले फिल्म ‘क्वीन’ हेरेपछि उनको अभिनयलाई मनपराएँ’, उनले भनेकी छन् ।