काठमाडौँ– गायकद्वय सुराच प्रसाईं र अजर जङगमको राष्ट्रिय भावनाले ओतप्रोत ‘बन्छ नेपाल’ गीतको लिरिकल भिडियो सार्वजनिक भएको छ ।
गायक प्रसाईंको आफ्नै युट्युब च्यानल ‘सुराच प्रसाईं अफियल’ मार्फत आइतबार उक्त गीतको भिडियो सार्वजनिक भएको हो । गायक प्रसाईंकै शब्द रचना र संगीत रहेको गीतमा अर्का गायक अजर जङगमको पनि स्वर रहेको छ ।
गीतमा देवेन्द्र नेवाले एरेन्ज गरेका छन् । गीतमा आफू बाँच्दा देश मर्छ भने बाच्नुको कुनै अर्थ नभएको भन्दै राष्ट्र प्रेमको भवनालाई प्रस्तुत गरिएको छ ।
देशमा पछिल्लो समय व्यक्तिगत स्वार्थका कारण राजनीतिक उथलपुथल भइरहेको अवस्थामा यो गीतका शब्दहरुले वास्तविक वस्तुस्थितिलाई उतारेको गरेको पाइन्छ ।
केही समय अघि मात्रै सुराच प्रसाईंको शब्द र संगीत रहेको तथा अजर जङगमले नै गाएको ‘तिरिमिरी’ बोलको गीतले निक्कै चर्चा कमाएको थियो ।
भिडियो
प्रतिक्रिया