काठमाडौं– गायक आनन्द कार्की र गायिका अञ्जु पन्तको स्वरमा रहेको गीत ‘त्यो तिम्रो चोखो प्रेमको नजर’को भिडियो सार्वजनिक भएको छ ।

गीतमा जेबी संयोगी(जीतबहादुर घले)को शब्द तथा बाबुल गिरीको संगीत र एरेञ्ज छ ।

भिडियोमा अभिनेता, निर्माता तथा निर्देशक आकाश अधिकारी र अभिनेत्री तथा निर्मात्री उमा गिरी ‘बेबी’लाई रोमान्टिक मुडमा देखाइएको छ ।

एक सैनिकको कथालाई चित्रण गरिएको गीतमा सैनिकको मृत्युभएपछि उनकी श्रीमतिको पीडालाई पनि देखाइएको छ । मुगुको रारा तालमा छायांकन गरिएको भिडियो निकै आकर्षक बनेको छ ।

भिडियोमा शिव भट्ट, दिप्त प्रकाश अधिकारी, इसान बिजु श्रेष्ठ, पृथ्वी लाल नेपाली, डिल्ली रावत र बाल कलाकार सुरज भामको पनि अभिनय छ ।

आकाशकै निर्देशक रहेको भिडियोमा पुरुषोत्तम प्रधानको डीओपी, भूपेन्द्र अधिकारीको सम्पादन, रेनिस फागोको कलर र कमल राईको कोरियोग्राफी छ ।