काठमाडौं–गायक विक्रमजंग शाहको नयाँ गीत ‘ज्यानलाई भो खतरा’ सार्वजनिक भएको छ । गीत गायनमा विक्रमलाई अञ्जु पन्तले साथ दिएकी छन् ।

गीतमा लेखु सहयात्रीको शब्द, सुवाष भुषालको संगीत र पुरुषोत्तम सुवेदीको एरेञ्ज छ ।

भिडियोमा नायिका शिल्पा पोखरेल र डेब्यु मोडल रवीन्द्र रिमाल फिचर्ड छन् ।

मुस्ताङको रमणीय स्थान मार्फा गाउँ र धुम्बा ताल परिसरमा खिचिएको म्युजिक भिडियोमा मनोज केसीको कन्सेप्ट र सम्झना उप्रेती रौनियारको निर्देशन, गोविन्द राईले कोरियोग्राफी छ ।

रामेश्वर हुमागाईंको छायांकन रहेको म्युजिक भिडियोमा भरत रेग्मीको सम्पादन तथा रंग संयोजन छ । भिडियोमा सिता तामाङ केसीको मेकअप, राजेन्द्र कमल राईको ड्रेस डिजाइन र सुन्दर श्रेष्ठ (आइडियल)ले पोस्टर डिजाइनको काम गरेका छन् ।

भिडियो सबस्त इन्टरटेनमेन्टको युट्युब च्यानलबाट सार्वजनिक गरिएको छ ।

यसैबीच गायक विक्रमले यो गीतमा उत्कृष्ट टिकटक बनाउनेहरु मध्येबाट एकजनालाई गीतको दोस्रो भागमा मोडलिङको अवसर दिने बताए ।