लसएञ्जल्स(आइएएनएस)– लोकप्रिय सिरिज ‘सेक्स एण्ड द सिटी’ अभिनेता विली गार्सनको ६७ वर्षको उमेरमा निधन भएको छ । उनी ‘सेक्स एण्ड द सिटी’ मा स्नेटफोर्ड ब्लेच र ‘ह्वाइट कलर’मा मोजीको भूमिकाका लागि चिनिएका थिए ।

गार्सनका परिवारका एक सदस्यले उनको मृत्युको पुष्टि गरेका छन् । तर उनको के कारणले मृत्यु भएको हो भन्ने खुल्न सकेको छैन ।

उनले फ्रेञ्चाइजी फिल्म ‘सेक्स एण्ड द सिटी’ र ‘सेक्स एण्ड द सिटी २’मा अभिनय गरेका थिए । हालैमात्र उनी ‘एण्ड जस्ट लाइक द्याट’को रिमेक भर्सनको छायांकन गरिरहेका थिए ।

‘सेक्स एण्ड द सिटी’ र ‘जस्ट लाइक द्याट’का कार्यकारी निर्माता माइकल पेट्रिक किंगले एक विज्ञप्ती जारी गर्दै ‘सेक्स एण्ड द सिटी’ परिवारले आफ्नो एक सदस्य गुमाएको उल्लेख गरेका छन् ।