मुम्बई(दैनिक भास्कर)– दक्षिण भारतीय फिल्मका सुपरस्टार प्रभास फिल्म ‘राधेश्याम’मा पूजा हेगडेका साथ काम गरिरहेका छन् । केही दिनयता यो जोडीबीच खटपट भएको समाचार बाहिरिएको छ ।

समाचारअनुसार प्रभास पूजाको अव्यावसायिक व्यवहारबाट दिक्क मानिरहेका छन् । पूजाको खराब व्यवहार र सुटिङमा ढिलो आउने कारण प्रभास उनीसँग रिसाएका छन् । यहीकारण उनले पूजासँग बोलचाल बन्द गरेका छन् । तर फिल्मका निर्माताले मिडियामा आएको समाचारजस्तो आफ्ना कलाकारबीच त्यस्तो केही नभएको दाबी गरेका छन् ।

‘यो सबै खबर निराधार हो । प्रभास र पूजा एकअर्कालाई निकै सम्मान गर्छन् । दुवैको अफस्क्रीन बोण्डिङ राम्रो छ । जसकारण उनीहरुको अनस्क्रिन केमेष्ट्री पनि मिलेको छ । पूजा जहिल्यै समयमा नै सेटमा पुगेकी छन् । उनीसँग काम गर्न सजिलो छ । यो हल्ला कुनै कल्पनाको एक हिस्सा हो’, निर्माण कम्पनी यूवी क्रिएसनले भनेको छ ।

प्रभास यो फिल्ममा विक्रमादित्य नामको एक पाठकको भूमिका निभाउदैछन् । त्यस्तै पूजा प्रेरणा नामकी एक संगीत शिक्षकको भूमिकामा देखिँदैछिन् । फिल्मको अधिकांश दृश्य यूरोपमा छायांकन गरिएको छ । फिल्म सन् २०२२ को जनवरी १४ मा रिलिज हुँदैछ ।