१. पानीको स्वाद

कुनै कुनै जनावरले पानीको स्वाद थाहा पाउन सक्छन् । जस्तै— कुकुर, सुँगुर । मानिसको जिब्रोले भने पानीको स्वाद थाहा पाउन सक्दैन । पानीमा मिसिएको कुनै थोकको चाहिँ स्वाद थाहा पाउन सक्छ ।

२. कद

अमेरिकाको सबैभन्दा होचा राष्ट्रपति जेम्स म्याडिसन हुन् । उनको उचाइ ५ फिट ४ इन्च थियो । सबैभन्दा अग्ला राष्ट्रपति अब्राहम लिङ्कन हुन् । उनको उचाइ ६ फिट ४ इन्च थियो ।

३. सय वर्षे युद्ध

सन् १३३७ देखि १४५३ सम्म इङ्ग्ल्याण्ड र फ्रान्सबीच युद्ध भएको थियो । यसलाई नै सयवर्षे युद्ध भनिन्छ । सय वर्षे युद्ध भनिए तापनि यो युद्ध ११६ वर्षसम्म चलेको थियो ।

४. आमाशय

मानिसको आमाशयमा ३ करोड ५० लाख पाचनग्रन्थी हुन्छन् ।

५. जिउँदो ज्वालामुखी

संसारभर जमिनमा करिब ५०० वटा जति जिउँदा ज्वालामुखी छन् । योभन्दा बढी सङ्ख्यामा समुद्रभित्र छन् ।

साभार – ‘रोचक तथा ज्ञानवर्द्धक तथ्यहरु’ पुस्तकबाट