दाङ- एक थान चितुवाको छालासहित दाङको घोराही उपमहानगरपालिका –३ गोग्लीबाट प्रहरीले दुई जनालाई पक्राउ गरेको छ ।
पक्राउ पर्नेमा जाजरकोटको भेरी नगरपालिका–९ का ३२ वर्षीय रामबहादुर दमाई र रुकुम–पश्चिमको मुसिकोट नगरपालिका – १० का ४५ वर्षीय पूर्णसिंह सुनार रहेका छन् ।
जिल्ला प्रहरी कार्यालय दाङका डीएसपी मुकुन्दप्रसाद रिजालका अनुसार सिमेन्टको बोराभित्र संरक्षित वन्यजन्तु चितुवाको छालासहित दुई जना हिँडिरहेको भन्ने सूचनाका आधारमा उनिहरुलाई प्रहरीले पक्राउ गरेको हो । प्रहरीले ५ फिट २ इञ्च लम्बाई र छातीको भागको चौडाई १ फिट ४ इञ्चको चितुवाको छाला बरामद गरेको छ ।
पक्राउ परेका उनिहरुमाथि थप अनुसन्धान भइरहेको डीएसपी रिजालले बताए ।
प्रतिक्रिया