मुम्बई(बलिउड लाइफ)– अभिनेता प्रभास फिल्म ‘राधे–श्याम’का कारण यतिबेला चर्चामा छन् । फिल्ममा उनको अपोजिटमा पूजा हेगडे छिन् ।

फिल्मको सुटिङ पुरा भइसकेको छ । निर्माताले फिल्मका प्रमुख कलाकारको फस्टलुक पनि सार्वजनिक गरिसकेका छन् । यो फिल्ममा निकै लामो समयपछि प्रभास ‘लभर ब्वाइ’को रुपमा देखिँदैछन् । जसकारण पनि उनका फ्यान निकै उत्साहित छन् ।

फिल्मको बजेटको कुरा गर्ने हो भने यो फिल्म प्रभासको करियरको सबैभन्दा महंगो फिल्ममध्येमा पर्दछ । प्रेम कथाको फिल्म भएकाले निर्माताले फिल्मको सेटका लागि नै सय करोड बढी खर्च गरेका छन् ।

फिल्ममा २६ वटा सेट बनाइनेछ । जसका लागि बजेट नै १ सय ६ करोड छुट्याइएको छ । फिल्म यूवी क्रिएसन र गोपीचन्द पिक्चरले टी–सिरिजसँग मिलेर निर्माण गर्दैछ ।

फिल्मको रिलिज अधिकार मेकर्स पेन–इण्डियाले लिएको छ । जसकारण पनि खर्च कति हुन्छ भन्ने हिसाब गरिएको छैन ।

निर्माताहरु प्रभासको लोकप्रियताको अगाडि सयदेखि १ सय ५० करोड बजेट कम हुने दाबी गर्छन् । ‘बाहुबली’ सिरिज पछि प्रभास भारतका सबैभन्दा ठूला स्टार बनेका छन् । जसकारण पनि निर्माताहरु उनीमाथि लगानी गर्न हिचकिचाउदैनन् ।