गुल्मी– लुम्बिनी प्रदेशका मुख्यमन्त्री तथा नेकपाका स्थायी कमिटी सदस्य शंकर पोखरेलले पुष्पकमल दाहाल ‘प्रचण्ड’ र माधवकुमार नेपालले गल्ती स्वीकार्दै सच्चिएर आए क्षमा दिने बताएका छन् ।

नेकपा जिल्ला कमिटी गुल्मीले आज तम्घासमा आयोजना गरेको अगुवा कार्यकर्ता भेलामा उनले गल्ती गर्नेलाई क्षमा दिने बताउँदै अहिले ‘प्रचण्ड’ र नेपालले गल्ती गरेको भन्दै उनीहरु सच्चिएर आए क्षमा दिने बताएका हुन् ।

सरकारले कालापानी, लिपुलेक र लिम्पियाधुरासहितको नक्सा जारी गरेपछि प्रधानमन्त्री ओलीलाई प्रधानमन्त्री र पार्टी अध्यक्षबाट हटाउन दाहाल-नेपाल समूहले विभिन्न षड्यन्त्र रचेको समेत आरोप लगाए ।

उनीहरुकै कारण नेकपा अहिलेको स्थितिमा पुगेको बताउँदै आगामी चुनावको तयारीमा जुट्न नेता तथा कार्यकर्तालाई आग्रह गरे ।