काठमाडौं– चैत पहिलो साताबाट छायांकन सुरु हुने फिल्म ‘बिहे पास’ले अडिसनमार्फत कलाकार चयन गर्ने भएको छ । प्रवेश पौडेलको निर्देशन रहने फिल्ममा दयाहाङ राई र प्रकृति श्रेष्ठ मुख्य भूमिकामा अनुबन्धित भइसकेका छन् ।
आरआर फिल्मस् प्रोडक्सनले ‘कास्टिङ कल’ गरेको फिल्मका लागि २० देखि ६५ वर्षसम्मका २२ पुरुष र २०, २६, ४०, ५० र ६७ वर्षका ५ जना महिला कलाकारको खोजी गरेको छ ।
अडिसन फागुन ११ र १२ गते नेपाल फिल्म कास्टिङ कम्पनी, ललितपुरमा हुनेछ । रोहित कट्टेलको प्रस्तुति रहेको फिल्मको कार्यकारी निर्मातामा रत्न श्रेष्ठ र सह–निर्मातामा ग्याल्जेन लामा छन् ।
तराई भेगमा खिचिने फिल्मको कथा आकाश बराल, सजन काफ्ले र मुरे केरले लेखेका छन् ।
प्रतिक्रिया