काठमाडौँ- अमेरिकामा १ करोड ८९ लाखभन्दा धेरैले कोरोना भाइरसको संक्रमणलाई जितेका छन् ।
पछिल्लो २४ घण्टा ६५ हजार ३७९ जनाले संक्रणलाई जितेका छन् । योसँगै अमेरिकामा संक्रमणमुक्त हुनेको संख्या १ करोड ८९ लाख ७३ हजार १९० पुगेको छ ।
यस्तै पछिल्लो २४ घण्टामा १ हजार २४५ संक्रमितको मृत्यु भएको छ । योसँगै अमेरिकामा कोरोनाले ज्यान गुमाउने संक्रमितको संख्या ५ लाख ११ हजार १३३ पुगेको छ ।
त्यहाँ पछिल्लो २४ घण्टामा ५७ हजार १९८ जनामा संक्रमण पुष्टि भएको छ । यसअघि २७ मंसिरमा एकैदिन अहिलेसम्मकै धेरै ३ लाख ८६ हजार ६५४ जनामा संक्रमण भएको थियो ।
पछिल्लो वृद्धिसँगै अमेरिकामा संक्रमितको संख्या २ करोड ८७ लाख नाघेको छ ।
प्रतिक्रिया