काठमाडौँ– ब्राजिलले टोकियो ओलम्पिकको महिला फुटबलमा चीनविरुद्ध फराकिलो जित निकालेको छ ।
मियाङ्गी स्टेडियममा बुधबार भएको खेलमा ब्राजिलले चीनलाई ५–० को गोल अन्तरमा पराजित गरेको हो ।
पहिलो खेलमै ब्राजिल ३ अंक बटुल्न सफल भएको छ । बेलायतले बुधबार नै भएको महिला फुटबलको उद्घाटन खेलमा चिलीलाई २–० गोल अन्तरमा स्तब्ध पारेको थियो ।
पहिलो हाफमा २ गोल गरेको ब्राजिलले दोस्रो हाफमा ३ गोल थपेको थियो । उसको जितमा मार्ता डी सिल्भाले २ गोल गरिन् । थप गोल डेभिन्ना मिरी, एन्ड्रेसा एल्भेस र बिआट्रिज जानेरात्तोको नाममा रह्यो ।
आफ्नो दास्रो खेलमा ब्राजिलले नेदरल्याण्डस्सँग र चीनले जाम्बियासँग जुलाई २४ मा खेल्नेछ ।
प्रतिक्रिया