काठमाडौँ– स्वास्थ्य तथा जनसङ्ख्या मन्त्रालयले छिमेकी देश हुँदै नेपाल भित्रने सीमा नाकामा स्वास्थ्य मापदण्डको पालना तथा सङ्क्रमणको जाँच गर्न सम्बन्धित निकायलाई निर्देशन दिएको छ ।

मन्त्रालयको आइतबारको प्रेस ब्रिफिङमा इपिडियोमोलोजी तथा रोग नियन्त्रण महाशाखा निर्देशक डा.कृष्णप्रसाद पौड्यालले हाल छिमेकी देश भारतमा कोरोना संक्रमण बढिरहेकाले भारत-नेपाल सीमाका सबै प्रवेश बिन्दुहरूमा ज्वरो तथा लक्षणको जाँच गर्न सम्बन्धित स्वास्थ्य कार्यालयलाई निर्देशन दिएका हुन् ।

डा. पौड्यालले नेपालमा पुनः संक्रमणको जोखिम फैलिन सक्ने खतरा रहेको भन्दै सबै नागरिकलाई जनस्वास्थ्यका मापदण्ड अपनाउन आग्रह गरे ।

यस्तै, मन्त्रालयले छिमेकी देशहरूमा कोरोना संक्रमण बढेकाले नेपालमा समेत यसको जोखिम बढ्न सक्ने भन्दै देशभर सभा, जुलुस, भेला, गोष्ठी, सेमिनार, भीडभाड गर्ने कार्य नगर्न अनुरोध गरेको छ ।

यस्तो छ विज्ञप्ति