मुम्बई(अमर उजाला)– बलिउडकी ‘क्विन’ कंगना रनावतको सुन्दरताले उनको लोकप्रियता घटेको छैन । ३४ वर्षकी कंगना अविवाहित छिन् र उनी कोही राम्रो व्यक्तिको पखाईमा छिन् ।

बलिउडमा एक यस्ता कलाकार छन्, जो कंगनासँग विवाह गर्न आफ्नो श्रीमति पनि छोड्न तयार छन् । ती अभिनेता हुन्, अनिल कपूर । अनिल कंगना प्रति यति मोहित छन् कि कंगनासँग विवाह गर्न उनी आफ्नो पत्नीसँग डिभोर्स गर्न पनि तयार छन् । अनिलले यो कुराको खुलासा करण जोहारको शो ‘कफी विद करण’मा गरेका थिए ।

करणले अनिललाई ‘त्यो महिलाको नाम भन्नुहोस्, जसका लागि तपाईं आफ्नो पत्नी सुनीता कपूरलाई छोड्न चाहनुहुन्छ ?’ भनी सोधेका थिए । त्यसपछि अनिलले कंगनातिर इशारा गर्दै उनको नाम लिएका थिए । अनिलले मजाकमा कंगनाको नाम लिए पनि सामाजिक सञ्जालले उनको भनाईलाई ट्रोल बनाइरहेका छन् ।

अनिल र सुनीताले सन् १९८४ मा विवाह गरेका थिए । त्यो समयमा सुनीता एक मोडल थिइन् र उनका पिता बैंकर थिए । त्यही समयमा अनिल फिल्म उद्योगमा आफ्नो पहिचान बनाइरहेका थिए । अहिले सुनीता पेशाले कष्ट्युम डिजाइनर हुन् । उनीहरुको सोनम, रिया र हर्षवर्धन कपूर गरी तीन सन्तान छन् ।