काठमाडौँ– काठमाडौँ उपत्यकामा असार ८ गतेदेखि लागू हुने निषेधाज्ञामा बारअनुसार व्यवसाय सञ्चालन गर्न दिने निर्णय भएको छ ।

काठमाडौंका प्रमुख जिल्ला अधिकारी कालीप्रसाद पराजुलीले जनजीवनलाई सहज बनाउन अबको निषेधाज्ञामा बारका आधारमा केही व्यवसाय सञ्चालन गर्न दिने निर्णय भएको जानकारी दिएका हुन् ।

जिल्ला प्रशासनद्वारा जारी आदेश अनुसार अब आइतबार, मंगलबार र बिहीबार सुनचाँदी, भाँडा, विद्युतीय, घरायसी सामान बिक्री गर्ने पसल सञ्चालन हुनेछन् भने अटोमोबाइल र त्यसका पार्टपूर्जा पाइने पसल पनि खुल्नेछ । यसैगरी सोमबार, बुधबार र शुक्रबार सपिङ मल, खेलकुद सामग्री पसल, कपडा, जुत्ता पसल, फेन्सी, कस्मेटिक, गिफ्ट र टेलरिङ खोल्न दिने निर्णय भएको छ ।

बारका आधारमा खुल्ने पसल बिहान ११ देखि ४ बजेसम्म खोल्न दिने निर्णय भएको प्रजिअ पराजुलीले बताए । खाद्यान्न, फलफूल र तरकारी पसल भने यस अघिकै निषेधाज्ञाकै नियम अनुसार विहान ११ बजेसम्म खोल्न दिइने छ ।

अन्य कुन कुन क्षेत्रमा गरियो खुकुलो यस्तो छ आदेश