काठमाडौँ-  पेनाल्टीमा चुक्दा स्पेन लगातार दोस्रो खेलमा पनि बराबरीमा रोकिएको छ ।

आइतबार बिहान सम्पन्न समूह चरणको दोस्रो खेलमा स्पेनले पोल्याण्डसँग १-१ गोलको बराबरी खेलेको हो ।

खेलको २५ औं मिनेटमा अल्भारो मोराटाले गोल गर्दै स्पेनलाई अग्रता दिलाए पनि पोलाण्डका कप्तान रोबर्टो लेवान्डोस्कीले ५४औँ मिनेटमा गोल गर्दै खेल १-१ गोलको बराबरीमा फर्काए ।

५८औँ मिनेटमा स्पेनले पेनाल्टीमा गोल गर्ने अवसर पायो । तर, जेरार्ड मोरेनोले गोल गर्न सकेनन् ।

यससँगै समूह ‘ई’ को स्पेनले लगातार दोस्रो खेलमा बराबरी खेलेको छ । समूहको तेस्रो स्थानमा रहेको स्पेनले २ खेलमा २ अंक जोडेको छ । पहिलो खेलमा स्पेनले स्वीडेनसँग गोलरहित बराबरी खेलेको थियो ।

पोल्याण्डको भने यो पहिलो अंक हो । पोल्याण्ड २ खेलमा १ अंक जोडेर पुछारमा रहेको छ ।