काठमाडौं – रुसले उत्पादन गरेको कोरोनाविरुद्धको खोप ‘स्पुतनिक भी’ ले नेपालमा आपतकालीन प्रयोगको अनुमति पाएको छ ।
औषधि व्यवस्था विभागले आज एक सूचना जारी गर्दै रुसी खोपलाई आपतकालीन प्रयोगको अनुमति दिएको जानकारी दिएको हो ।
नेपालमा यसअघि भारतको कोभिशिल्ड र चीनको भेरोसेल खोपले आपतकालीन प्रयोगको अनमुति पाइसकेका छन् ।
कोभिशिल्ड खोपको पहिलो डोज लगाएकाहरूलाई सरकारले आजदेखि दोस्रो डोज दिन थालेको छ । चिनियाँ खोप भेरोसेलको पहिलो डोज केही दिन अघि दिइएको थियो । चीनले नेपाललाई अनुदानमा आठ लाख डोज खोप दिएको थियो ।
यस्तै, भारतले कोभिशिल्ड खोप १० लाख डोज अनुदानमा दिएको थियो भने नेपाल सरकारले २० डोज खरिद गरेकोमा १० लाख डोज आउन बाँकी छ ।
प्रतिक्रिया