काठमाडौं– नेपाल कम्युनिस्ट पार्टी (नेकपा) दहाल–नेपाल समूहका नेता झलनाथ खनालले ओली समूहलाई नेकपाबाट उप्किएको चोइटाको संज्ञा दिएका छन ।
आदिवासी जनजाति महासंघको राष्ट्रिय भेलामा सम्बोधन गर्दै उनले आफूहरु आधिकारिक नेकपा भएको दाबी गर्दै ओली समूहलाई नेकपाबाट उप्किएको चोइटाको संज्ञा दिएका हुन ।
‘नेपाल कम्युनिस्ट पार्टी हामी हौँ। ओली फुटेर गएको चोइटा हो। रुखबाट पनि केही चोइटा जान्छ,’ उनले भने ।
नेता खनालले नेकपाभित्र ओलीतन्त्र चल्न थालेपछि समस्या भएको आरोप लगाएका थिए । उनले प्रधानमन्त्री केपी शर्मा ओलीको कदमले नेपाल अस्थिरतातर्फ धकेलिएको आरोप लगाए ।
नेता खनालले ओली प्रतिक्रियावादीहरुको एजेन्ट, प्रतिक्रान्तिको नायक भएको समेत आरोप लगाए।
प्रतिक्रिया