दोहा- गैरआवासीय नेपाली संघ (एनआरएनए) ले एक नेपाली चेलीलाई हवाई टिकट सहयोग गरी स्वदेश फिर्ता पठाएको छ ।

रोजगारीको सिलसिलामा विगत १९ महिनाअघि कतार आई यहाँको अल डब्लोमासिक हस्पिटालिटी कम्पनीमा काठमाडौं जिल्ला कीर्तिपुर मछेगाउँ स्थायी घर भएकी अस्मिता लामालाई हवाई टिकट सहयोग गरी स्वदेश फिर्ता पठाइएको एनआरएनए कतारकी महिला संयोजक नानू घले ब्लोनले जानकारी दिइन् ।

संयोजक घलेकी अनुसार पीडित लामा कतारमा गैर कानुनी अवस्थामा एक वर्षदेखि साथीहरूको शरणमा बस्दै आएको र पछि मेरो सम्पर्कमा आएपछि एनआरएनएले हवाई टिकट सहयोग गरेपछि मंगलबार राति हिमालय एयरलाइन्सको उडान मार्फत स्वदेश फर्काउन सफल भएको बताइन्।

एनआरएनए कतारका अध्यक्ष मोहम्मद मोक्तदाको विशेष पहलमा म स्वयम महिला संयोजक र एनआरएनए एनसीसीका सदस्य सेवक विकले नेपाली दूतावास र सरकारी कार्यलय आउने जाने यातायातको व्यवस्था गरी स्वदेश फर्काइएको उनले बताइन् ।

यसघि पनि कोरोना महामारी कारणले रोजगारी गुमाएर नेपाल फर्कन हवाईभाडा जुटाउन नसकेका नेपाली श्रमिकहरुलाई
एनआरएनएले ५५ जनालाई हवाई टिकट उपलब्ध गराई स्वदेश पठाएको थियो ।