काठमाडौँ– नेकपा एमालेका अध्यक्ष केपी शर्मा ओलीले भोलि हुने राष्ट्रियसभाको चुनावमा रामबहादुर थापाविरुद्ध मतदान गरे कारबाही गर्ने चेतावनी दिएका छन् ।

अध्यक्ष ओलीले विज्ञप्ति जारी गर्दै भोलि हुने राष्ट्रियसभा सदस्यको चुनावमा रामबहादुर थापाविरुद्ध मतदान गरे कारबाही गर्ने चेतावनी दिएका हुन् ।

चुनावको अघिल्लो दिन विज्ञप्ति जारी अध्यक्ष ओलीले एमाले जस्तो पार्टीमा आधिकारिक उम्मेदवारविरुद्ध उम्मेदवारी खडा गर्नु र मतदान गर्नु क्षम्य नहुने भनेका छन् ।

पार्टीभित्र देखिएको विवाद समाधानको पहल भइरहेको भन्दै अध्यक्ष ओलीले भनेका छन्,‘पार्टीको आधिकारिक उम्मेदवारविरुद्ध उम्मेदवारी दिनु, लाखौँ जनताको हृदयमा रहेको निर्वाचन चिन्हलाई अवमूल्यन गर्नु र पार्टी निर्णयको विपक्षमा उभिएर मत खसाल्ने जस्ता विषय हाम्रो पार्टीमा कल्पनाबाहिरको कुरा हो । यस्ता प्रवृत्ति बहुदलीय शासन प्रणाली अवलम्बन गर्ने कुनै पनि पार्टीलाई क्षम्य हुँदैन ।’

अध्यक्ष ओलीले रामबहादुर थापाको विजयले कम्युनिष्ट आन्दोलनको भावनात्मक एकतासमेत उजागर हुने भनेका छन् ।

हिजोमात्रै गृहमन्त्रीसमेत रहेका एमाले नेता थापा सहयोग माग्दै एमाले वरिष्ठ नेता माधवकुमार नेपाल निवास पुगेका थिए । बिहीबार हुने चुनावका लागि कांग्रेस माओवादी केन्द्रको समर्थनमा डाक्टर खिमलाल देवकोटा र एमाले उम्मेदवार रामबहादुर थापाको उम्मेदवारी परेको छ ।

अध्यक्ष ओलीले जारी गरेको विज्ञप्ति पढ्नुहोस्