काठमाडौं– रचना रिमाल र रोमन प्रकाशको स्वर रहेको गीत ‘यो बिछोड हो कि माया’ को म्युजिक भिडियो सार्वजनिक गरिएको छ ।

काठमाडौंमा आज (बिहीवार) एक कार्यक्रमको आयोजना गर्दै गीतको भिडियो सार्वजनिक गरिएको हो ।

भिडियोमा प्रकाश सपूत र आँचल शर्मालाई देख्न सकिन्छ । मुस्ताङमा छायांकन गरिएको यो गीतमा प्रकाश र आँचलले प्रेमी प्रेमिकाको भूमिका निभाएका छन् ।

गीतमा उत्तम विचारले शब्द लेखेका छन् भने रिमेश कुमारले संगीत भरेका छन् । यस्तै गीतलाई कमल सिजाली मगरले रेकर्डिङ गरेका हुन् भने श्वामश्वेत रसाइलीले मिक्सिङ गरेका हुन् ।

भिडियोको निर्देशन सरोज ओलीले गरेका हुन् । विक्रम स्वारको कन्सेप्ट र कोरियोग्राफी रहेको भिडियोमा नवराज उप्रेतीको छायांकन तथा अमन मानन्धरको सम्पादन रहेको छ ।

हेर्नुहोस् भिडियो: