लसएन्जल्स–अमेरिकी गायिका लेडी गागा आफ्नो गीतसँगै काम गर्ने शैलीबाट पनि चर्चामा आइरहन्छिन् । गत साता एम्स्टर्डममा उनले गीत गाइरहँदा दर्शकहरु उनको गीतमा जति झुमे, गागा आफैं पनि भित्र भित्रै झुमिरहेकी थिइन् ।

यो कन्सर्टमा उनले गीत गाइरहँदा बीच–बीचमा गाँजा सेवन गरेकी थिइन् । उनले दर्शकलाई आफूले निकै लामो समयदेखि गाँजा लिइरहेको बताइन् ।

‘यसले मेरो जिन्दगीलाई बदलेको छ । मैले मदिरा निकै कम गरेकी छु । मेरा लागि यो आत्याधमिक यात्रा हो’, कन्सर्टको दौरानमा खिचिएको एक भिडियोमा उनले भनेकी छन् ।

उनले आफ्ना लागि मनको कुरा गर्ने उपयुक्त समय नै कन्सर्ट रहेको जनाएकी छन् । त्यहीकारण उनी आफ्ना लाखौं फ्यानमाझ यो कुरा सार्वजनिक गर्न चाहन्थिन् ।

उनले यो कुरा सार्वजनिक गरे पनि सामाजिक सञ्जालमा भने उनलाई गालीको वर्षा नै भएको छ । कतिपयले उनलाई गलत ‘रोल मोडल’ भनेका छन् कतिपयले गीतमा मात्र ध्यान दिन आग्रह गरेका छन् ।

ब्लेनहिम सीडीपीका प्रमुख जोन जोलीले गागाको कुराले लागुऔषध छोड्न चाहने समूहका लागि गलत सन्देश प्रवाह गरेको बताए । गागाको भनाइले यो समस्या अझ बढ्ने जोनको बुझाइ छ ।
–एजेन्सी