काठमाडौँ- अमेरिकामा कोरोनाले मृत्यु हुनेको संख्या ५ लाख नाघेको छ ।
पछिल्लो २४ घण्टामा २ हजार ५३७ संक्रमितको मृत्यु भएसँगै अमेरिकामा कोरोनाले ज्यान गुमाउने संक्रमितको संख्या ५ लाख २ हजार ५४४ पुगेको छ ।
यस्तै पछिल्लो २४ घण्टामा ७१ हजार ६४० जनामा संक्रमण पुष्टि भएको छ । यसअघि २७ मंसिरमा एकैदिन अहिलेसम्मकै धेरै ३ लाख ८६ हजार ६५४ जनामा संक्रमण भएको थियो ।
पछिल्लो वृद्धिसँगै अमेरिकामा संक्रमितको संख्या २ करोड ८४ लाख नाघेको छ ।
संक्रमितमध्ये अहिलेसम्म १ करोड ८५ लाख ९६ हजार ४९७ जना संक्रमणमुक्त भएका छन् ।
उपचार गराइरहेका ९३ लाख ५४ हजार ४८५ जनामध्ये १८ हजार २२७ जनाको अवस्था गम्भीर रहेको वर्ल्डोमिटर्सले जनाएको छ ।
प्रतिक्रिया