आवश्यक सामग्री :

चामल भिजाएर खलमा कुटेको पिठो दुई कचौरा, मह एक कचौरा, घिउ एक कचौरा तार्नको लागि थप घिउ

बनाउने तरिका :

सबैभन्दा पहिले घिउलाई बेस्सरी फिट्ने । यसरी फिटेको घिउमा मह हालेर फेरि फिट्ने । यस्तो घिऊ र महको मिश्रणमा चामलको पिठो हालेर फिट्ने र आठ, दस घण्टा त्यसै राख्ने । अब एउटा कराहीमा घिउ तताउने यो रोटी पकाउँदा मालपुवा जसरी नै कराहीमा हाल्नुपर्छ ।

तर यसको तेल झारी राख्ने र घिउमा हाल्ने बित्तिकै माथि निकाल्ने यसरी निकाले पछि यो पाकेको हुँदैन त्यसकारण तातो तातो घिउमाथिबाट नपाक्दासम्म हाल्दै जाने यो रोटी पकाउँदा एकदम सावधानी अपनाउनु पर्छ । धेरै आगो पनि हुनुहुँदैन नत्र यो फुटेर जान्छ ।

पाकेको रोटीलाई निकाल्ने र विस्तारै राख्ने । निकाल्दा यो पनि अनरसा जस्तै नरम हुन्छ तर राखेको केहीबरेमा कडा भएर जान्छ ।

साभार : ‘सजिलो कुकिङ’ पुस्तकबाट