काठमाडौं– पत्रकार तथा गीतकार डब्बु क्षत्रीको नयाँ गजल ‘अँधेरीमा थिएँ म’को भिडियो सार्वजनिक भएको छ । गीतमा सुवर्ण कुमार, सरिता भारती, र दीपा कोइरालाको स्वर तथा सुवर्णकै संगीत र संगीत संयोजन छ ।

ओएसआर मुभीको युट्युब च्यानलबाट सार्वजनिक भिडियोमा सरिता भारती, राहुल श्रेष्ठ, जोयल्स बस्नेत, विना रानामगरको अभिनय छ । आफूले मन पराएको युवासँगको सम्बन्ध छुटाएर अन्य युवासँग विवाह गर्न खोजेपछि युवतीले आत्महत्या गरेको कथालाई भिडियोमा देखाइएको छ ।

डब्बुकै निर्देशन रहेको भिडियोमा रामशरण उप्रेतीको छायांकन र सुरेशकुमार राउतको सम्पादन छ ।

भिडियोमा दिलमाया मगरको ड्रेस डिजाइन, दीपक लामगादेको सेट डिजाइन, श्याम बरालको श्रृंगार छ ।

जसमा ती युवतीको यादले प्रेमीलाई सताईरहन्छ । प्रेम वियोगमा परेका ती प्रेमीको भावलाई यो गीतको भिडियोमा समेटिएको छ । भिडियो निकै आकर्षकण बनेको छ ।