मुम्बई–बलिउड अभिनेता सलमान खानको फिल्म उद्योगमा केही विशेष व्यक्ति छन्, जसको साथ उनी कहिल्यै छोड्दैनन् । सलमानका यस्तै प्रगाढ सम्बन्ध अभिनेता ज्याकी श्राफसँग छ ।

नवभारत टाइम्सका अनुसार सलमानको ज्याकीसँग सम्बन्ध उनी एक मोडल र सहायक निर्देशकका रुपमा फिल्ममा काम गर्दादेखि भएको हो ।

सलमानले मोडलिङ गरिरहँदा ज्याकी त्यो समयको स्टार थिए । ज्याकी आफ्नै कारणले सलमानले बलिउडमा ब्रेक पाएको मान्छन् ।

‘म सलमानलाई एक मोडल र सहायक निर्देशकका रुपमा चिन्दथें । फिल्म ‘फलक’को सुटिङको समयमा सलमानले मेरो कपडा र जुत्ता सम्हाल्थ्यो । उनी सानो भाइका रुपमा मेरो हेरविचार गर्थे’, ज्याकीले भनेका छन् ।

सलमानले ज्याकीलाई हेरविचार गरिरहँदा ज्याकी भने सलमानको तस्बिर निर्माताहरुलाई देखाउथे । अन्ततः केसी बोकाडियाका ज्वाइँले सलमानलाई बलिउडमा ब्रेक दिए ।

सलमानले फिल्म ‘मैंने प्यार किया’बाट बलिउडमा पाइला चाले । तर ज्याकी आफ्नो कारणले सलमानले ब्रेक पाएको दाबी गर्छन् । ‘हामी निकै नजिक छौं । जब कुनै समस्या आउँछ, तब उसले मलाई सुनाउछ’, उनले भनेका छन् ।