काठमाडौँ- एट्लेटिको मड्रिड ला लिगा फुटबलको उपाधि नजिक पुगेको छ ।
आइतबार रातिको खेलमा ओसासुनालाई २–१ गोलले पराजित गर्दै एट्लेटिको उपाधि नजिक पुगेको हो ।
सात वर्षपछि पहिलोपल्ट ला लिगा उपाधि उचाल्न लागेको एट्लेटिकोको लक्ष्य अब एउटा जित हात पारे पूरा हुनेछ ।
आइतबारको खेलमा ७५औं मिनेटमा अन्टे बुदिमिरको गोलमार्फत अग्रता लिएको ओसासुना जिततर्फ अग्रसार भइरहँदा ८२औं मिनेटमा रेनान लोदीले गोल गर्दै खेल बराबरीमा ल्याए । ८८औँ मिनेटमा यान्निकद कार्रास्सोको पासमा लुइस स्वारेजले निर्णायक र महत्वपूर्ण गोल गरेपछि एट्लेटिको विजयी भयो ।
अब अन्तिम खेलमा एट्लेटिकोले रियल भालाडोलिडलाई पराजित गरे उपाधि जित्नेछ ।
प्रतिक्रिया